महाराजगञ्ज नगरपालिकाको समिक्षा

कपिलवस्तु महाराजगञ्ज २३ बैशाख

कपिलवस्तु — महाराजगञ्ज नगरपालिका नगरकार्यपालिकाको कार्यालयले आर्थिक वर्ष २०८०/०८१ को समिक्षा गर्दै स्थानीय तहका अवसर तथा सम्भावनालाई स्पष्ट रूपमा अघि सारेको छ।
समिक्षा अनुसार नगरपालिकाले आफ्नो क्षेत्र भित्र रहेका अवसर र सम्भावनालाई बुदागत रुपमा पहिचान गरेको छ। नगरपालिकाले मुख्यगरी बाणगंगा नदी आसपासको क्षेत्रलाई बहुउपयोगी रूपमा विकास गर्न सकिने उल्लेख गर्दै नदीजन्य स्रोतको सदुपयोग बाट आर्थिक गतिविधि विस्तार गर्न सकिने सम्भावना देखाइएको छ।

नदी उकास क्षेत्रलाई तरबूज, बदाम, तरकारी जस्ता कृषि उत्पादनका ‘पकेट क्षेत्र’का रूपमा विकास गर्न सकिने, साथै केरा खेती विस्तार गरी कृषि आधुनिकीकरण तर्फ अघि बढ्न सकिने सम्भावना औंल्याइएको छ। यसैगरी, सार्वजनिक ताल–पोखरीलाई व्यवस्थित गरी सिंचाइ प्रणाली विस्तार गर्ने र जलस्रोतको उपयोग मार्फत कृषि उत्पादन वृद्धि गर्न सकिने निष्कर्ष निकालिएको छ।

यो समिक्षा हो आ.व. २०८०।०८१ को । यो आर्थिक वर्ष २०८२/०८३ मा आइपुग्दा विगतका समिक्षा र त्यसको कार्यान्वयनको अवस्था के छ भनी पालिकाले समिक्षा गरी तथ्य कुरा सार्वजनिक गर्नु आवश्यक देखिएको छ ।