नवजात छोरीका नाममा दश हजारको मुद्दति खाता

गलकोट ९बागलुङ०, २७ असार

बागलुङ नगरपालिकाले नवजात छोरीका नाममा रु १० हजारको मुद्दति खाता उपहारस्वरूप खोलिदिने घोषण गरेको छ । आर्थिक वर्ष २०८०÷८१ देखि सञ्चालनमा रहेको ‘नगरकी छोरी’ कार्यक्रमअन्तर्गत रु पाँच हजार प्रदान गरिएकामा आगामी आर्थिक वर्षदेखि उक्त रकम दोब्बरले बढाइएको हो । हालैको नगरसभाबाट उक्त निर्णय पारित भएको जनाउँदै नगरप्रमुख वसन्तकुमार श्रेष्ठले आफ्नो पालिकामा जन्मिने छोरीका नाममा उक्त रकमको बैङ्क खाता खालिने राससलाई बताउनुभयो । हालसम्म ३०० जना छोरीका नाममा रु पाँच हजारका दरले रु १५ लाख जम्मा गरिएको छ । खातामा जम्मा गरिएको रकम खातावाल छोरीको उमेर २० वर्ष नपुगेसम्म निकाल्न पाइँदैन । –––

Powered By  Orson Infotech