चन्द्रौटा २१ फागुन ।कपिलवस्तुको सिमा क्षेत्र जवावैराठवाट १ क्यून्टल ब्रोइलर कुखुरा मंगलवार प्रहरीले बरामद गरेको छ । सशस्त्र प्रहरी बल डालपुरबाट खटिएको मोबाइल टोलीले विजयनगर गाउँपालिकाको वडा नं. १ जवाबैराठमा विहान साढे सात बजे ब्रोइलर कुखुरा बरामद गरेको सशस्त्र बल डालपुरका प्रहरी निरिक्षक अनिरुद्र हाजराले जानकारी दिनुभयो । भारतबाट अवैध रुपमा चोरी निकासी गरी ल्याउँदै गरेको अवस्थामा प्रहरी टोलीलाई देखेर तस्कर भागेको हाजराले बताउनुभयो । ब्रोइलर कुखुराको बजार मुल्य ४० हजार रुपैयाँ रहेको छ ।
स्थानिय जनप्रतिनिधि, पशु क्वारेन्टाइन चेक पोष्ट कृष्णनगरका प्रतिनिधि,सञ्चारकर्मी लगायतका रोहवरमा कुखुरालाई नष्ट गरिएको छ । खुला सिमानाको मौका छोपी विगत केही महिनादेखि तस्करहरुले नेपालमा रोगी कुखुरा आयात गरी सस्तो मुल्यमा विक्री गर्दै आएका छन् । बाहिरि देशवाट अवैध रुपमा आएका पशुहरु कारण विभिन्न रोग लाग्ने भएकोले यसबाट सचेत रहन र उपभोग नगर्न पशु क्वारेन्टाइन कृष्णनगरका डा. लालमणि अर्यालले आग्रह गर्नुभयो ।गत महिनामा पनि यस क्षेत्रमै ३ क्यून्टल अवैध बङ्गुरको मासु प्रहरीले फेला पारेको थियो ।
प्रतिक्रिया