कपिलवस्तु २९ फागुन । विगत दशकौं देखि बालबालिकालाई दादुराको खोप लगाउन थालिए पनि उक्त रोग नेपालबाट निवारण हुन सकेको छैन । दादुराको खोपसँगै रुवेलाविरुद्ध पनि बालबालिकालाई खोप लगाउने गरिन्छ । रुवेलाका विरामी बालबालिका पनि नेपाल अझै भेटिने गरेको स्वास्थ्य कार्यालयहरुका तथ्यांकले पुष्टि गरेको छ । यसैबिच कपिलवस्तुको बाणगंगा नगरपालिकाले पनि यसबर्षको अभियान बुधबारबाट शुरु गरेको छ । चैत्र २ गते सम्म सञ्चालन हुने खोप अभियानको बाणगंगाको हथौसा स्वास्थ्य केन्द्रबाट शुभारम्भ गरिएको हो ।
५ बर्षमुनिका ३ बालबालिकालाई पोलियो खुबाउदै नगर उपप्रमुख चक्रपाणी अर्यालले सबै बालबालिकालाई दादुरा रुवेला खोपसंगै पोलियो खुबाउन आग्रह गनर्’भएको छ । उहाले खोप अभियानको प्रभावकारीताका लागि सम्वद्ध सबै पक्ष जिम्मेवार हुनु पर्नेमा जोड दिनुभयो । यस्तै र्काक्रममा बोल्दै वडा नं ११का वडा अध्यक्ष सोमनाथ अर्यालले यस रोगको औषधी नपाईने भएकोले सबै अभिभावक समयमै सचेत भई खोप लगाउन सबैमा आग्रह समेत गर्नुभयो ।
कार्यक्रममा नगरका स्वास्थ्य अधिकृत भक्तिराम पाण्डे ,नेकपा वडा कमिटिका अध्यक्ष मेघराज बेल्बासे लगाएतको आतिथ्यता रहेको थियो । बाणगंगा नगरपालिकाले यसबर्ष अभियान अन्तर्गत ९ महिनादेखि पाँच वर्षसम्मका ६ हजार ७ सय ८६ जना बालबालिकालाई दादररा तथा रुवेलाविरुद्धका खोप दिइने लक्ष्य राखेको छ ।साथमा पाँच वर्षमुनीका ८ हजार ५ सय ८६ जना बालबालिकालाई पोलियो थोपा पनि खुवाइने लक्ष्य राखेको नगरका स्वास्थ्य अधिकृत भक्तिराम पाण्डेले जानकारी दिनुभयो । अभियान अन्तर्गत नगरमा ७३ वटा खोपकेन्द्र रहेका छन ।
प्रतिक्रिया