समाचार

कृष्णनगर चन्द्रौटा सडक : हाइ प्रोफाइल निर्माताको लो प्रोफाइल प्रगती,२० किमी सडक चौडा बनाउन ३ बर्ष ,१ बर्षमा २० प्रतिशत काम



चन्द्रौटा, २ चैत । कृष्णनगर  चन्द्रौटा सडक :  हाइप्रोेफाइल निर्माताको लो प्रोफाइल प्रगती,२० किमी सडक चौडा बनाउन ३ बर्ष ,१ बर्षमा २० प्रतिशत काम सुन्दा अनौठा लाग्ने विवरण  प्राप्त हुनु आफैमा नमिल्दा तथ्य हुन् तर यी तथ्य सो  सडकका बास्तविकता हुन् ।सम्झौतापछि यो सडकखण्डको ठेक्का कालिका दिनेशचन्द्र जेभीले लिएको छ । कालिका नेपालको कन्ट्रक्सन हो भने दिनेश जेभी भारतीय हो ।

        चन्द्रौटा कृष्णनगर सडक चार लेन बनाउने निर्माण कार्य सुस्त गतिमा भइरहेको छ । गत फागुनबाट शुरु भएको योजनाको एक वर्षमा २० प्रतिशत काम सकिएको छ । शुरुमा तीव्र गतिमा काम भए पनि हालसम्मको निर्माण प्रगति हेर्दा तोकिएको मितिमा यो सडक काम सम्पन्न हुने देखिदैन । एक वर्षमा पाँच प्रतिशतमात्र रकम खर्च भएको निर्माण कम्पनीले बताएको छ । चन्द्रौटादेखि कृष्णनगरसम्म यो सडकखण्ड २० किलोमिटर छ । दुईलेनको यस सडकमा २१ मिटर चौडाइमा चारलेन सडक निर्माण गरिने निर्माण कम्पनीका नवीन गुरुङले जानकारी दिनुभयो । 

        रुख कटान, विद्युत्को खम्बा सार्ने, खानेपानीको पाइप व्यवस्थापन लगायतको कामले केही ढिलाइ भएको सडक सुधार विकास आयोजना लमहिका आयोजना प्रमुख सुबोधकुमार देवकोटाले बताउनुभयो । जटिल काम सम्पन्न भइसकेकाले बाँकी दुई वर्षमा चारलेन सडक काम सम्पन्न गर्न सकिने देवकोटाले बताउनुभयो । 

        अहिले सडकमा ज्वाइन सर्वे, माटो फिलिङ, टप स्वाइलको काम सकिएको छ । सडक निर्माणमा पानी परेपछि एक हप्ता प्रभावित हुने गरेकाले पनि केही ढिलाइ भएको उक्त योजना परामर्श सेवाका इञ्जिनीयर रमेशलाल श्रेष्ठले बताउनुभयो । भारतीय सहयोग रहेकाले रकम निकासामा झन्झटिलो भएको हुँदा निर्माण कम्पनीलाई समस्या रहेको र समय अपुग भए केही समय थप गर्ने योजना रहेको उहाँले बताउनुभयो ।

        सडक सुधार विकास आयोजना र एक्जिम बैंकबीच सडक निर्माणका लागि भएको सम्झौताअनुसार यो सडक निर्माण हुन लागेको हो ।  सडक निर्माणको ५१ प्रतिशत सामग्री भारतबाट आयात गरिने छ ।भारतीय सीमासँग जोडिएको सडक चार लेन निर्माणसँगै दुई देशीय आयातनिर्यातमा सहज हुने विश्वास छ । यो आयोजना सक्न अझै २५ महिना लाग्ने निर्माण कम्पनी दिनेशचन्द्र कालिका कन्ट्रक्सन जेभीले जनाएको छ । सडकभित्र पर्ने ५१६ रुख काटिएको छ भने विद्युत्को खम्बा सार्ने काम भइरहेको छ । अब ग्राबेल गरी पिच भत्काउने काम शुरु हुने निर्माण कम्पनीले जनाएको छ । रु ७५ करोड बजेटमा निर्माण हुन लागेको चारलेन सडक निर्माणमा २२० ले रोजगारी पाएका छन् ।

प्रकाशित : १ चैत्र २०७६, शनिबार

सम्पर्क

सम्पर्क ठेगाना : बाणगंगा न.पा.– ४ जितपुर, कपिलवस्तु
कपोरेट कार्यालय : बुटवल उपमहानगरपालिका, ट्राफिक चोक
प्रादेशिक कार्यालय : देउखुरी दाङ
सम्पर्क नं. ०७६–५५०२८३,५५०२६०,९८५७०५०९७०
E-mail : [email protected]

हाम्रो समूह

  • प्रवन्ध निर्देशक :  
    लक्ष्मण प्रसाद बेल्बासे
  • प्रधान सम्पादक :  
    भेषराज पाण्डे
  • कार्यकारी सम्पादक :  
    डिलाराम भुसाल
  • समाचार संयोजक :  
    हरि घिमिरे

सोसल मिडिया

सूचना विभाग दर्ता नं.

८५८-२०७५/७६