विरामीको मृत्यु भएपछी डाक्टर माथि हातपात

भैरहवा ३ फागुन । युनिभर्सल कलेज भैरहवामा एक विरामीको मृत्यु भएपछी त्यहा तनाब सिर्जना भएको छ। । अस्पताल श्रोतका अनुसार नवलपरासी स्थित यम कुमारी बुढामगरको सोमवार विहान मृत्यु भएपछी  आफन्त द्वारा तनाब सिर्जना गरेका हुन् । अस्पतालको लापरवाहिको कारण विरामीको मृत्यु भएको आफन्तको भनाई छ । आफन्तका अनुसार टाउकोमा रगत जमेका कारण आइसियु कक्षमा राखेर बुढामगरको उपचार भइरहेको थियो त्यसै क्रममा आइसियुमै उनको निधन भएपछि सोही कक्षमा रहेका डाक्टर माथि हातपात भएको जनाइएको छ । हातपात बाट घाइते डाक्टरको अहिले आकस्मिक कक्षमा उपचार भइरहेको छ ।उक्त समस्या सुल्झाउनको लागि अहिले बैठक बसेको जानकारी गराइएको छ।