कपिलवस्तु १६ चैत्र ।बैंक तथा वित्तीय संस्थाहरुले संस्थागत सामाजिक उत्तरदायित्वमा खर्च गर्नु पर्ने रकम नेपाल सरकार तथा प्रदेश सरकारको कोरोना रोकथाम तथा नियन्त्रण कोषमा खर्च गर्न पाउने राष्ट्र बैंकले निर्देशित गरेको छ । राष्ट्रवैंक नेपाल सरकारका तर्फबाट वित्तीय संस्थालाई नियमन गर्ने सर्वोच्च निकाय हो । यसको निर्देशन वित्तीय संस्थाले निसर्त पालन गर्नुपर्ने हुन्छ । यस अघि विभिन्न बित्तीय संस्थाहरुले मेला महोत्सव , दैवी प्रकोप , शिक्षण संघ संस्थालाई सहयोग ,छात्रवृत्ति वितरण , सामाजिक सुरक्षा लगायतमा खर्च गर्दै आएका थिए ।
कोरोना भाइरस (कोभिड–१९) को संक्रमणसँगै अर्थतन्त्रमा ठूलो क्षति पुगेको भन्दै नेपाल राष्ट्र बैंकले सहुलियत घोषणा गरेको छ ।जसअनुसार कोरोनाले असर परेका क्षेत्रका ऋणिले चैतमा तिर्नुपर्ने कर्जाको म्याद असार मसान्तसम्म सारिएको छ ।राष्ट्र बैंकका कार्यबाहक गभर्नर चिन्तामणि शिवाकोटी अब चैतमसान्तसम्म कर्जा तिर्नुपर्ने ऋणिहरुले असार मसान्तसम्म ऋण तिर्न सकिने बताउनु भयो । यद्यपि तोकिएकै समयमा व्याज तिर्नेहरुको लागि पनि छुट्टै व्यवस्था गरिएको उहाँले जनाउनु भयो ।ऋणको साँवा तथा ब्याज भुक्तानी गर्न असहज अवस्था आइपरेकाले यस्तो निर्णय गरिएको उहाँले स्पष्ट पार्नु भयो ।
‘चैतमा तिर्नुपर्ने कर्जाको साँवा तथा ब्याज असार मसान्तसम्म तिरेपनि थप ब्याज तथा जरिवाना लाग्दैन’ शिवाकोटीले भन्नु भयो । यदि कसैले चैत महिनामा नै तिर्न चाहे उनीहरुले तिर्नुपर्ने ब्याजमा १० प्रतिशत छुट पाउनेछन् । राष्ट्र बैंकले कोरोना प्रभावित क्षेत्रहरुको पहिचान गरी ती क्षेत्रहरुका लागि पुनः विशेष प्याकेज ल्याउन सक्ने पनि बताएको छ । साथै, पुर्नकर्जा कोष ६० अर्बको र्पुयाउने र पुनर्कर्जा सुविधा बढाउने पनि राष्ट्र बैंकले जनाएको छ । यस सम्बन्धमा राष्ट्र बैंकले आइतवार नै सर्कुलर पनि जारी गरेको छ ।
प्रतिक्रिया