प्रदेश सरकारका विदा छ दिन मात्र ,कहिले र कसलाई लागु हुन्छ ?

बुटवल, १० वैशाख  । प्रदेश ५ सरकारले २०७७ सालमा ६ दिन विदा दिने निर्णय गरेको छ । प्रदेश सरकारको मन्त्रीपरिषदको बुधबार बसेको बैठकले उक्त निर्णय गरेको हो ।मुख्यमन्त्री कार्यालयका अनुसार ति छ दिनको विदा ४ दिन प्रदेशभरीका लागि एउटै रहेको छ भने एक दिन स्थानीय तहले दिन पाउनेछन । अर्को एक दिन भने निश्चित पर्व मनाउने समुदाय र ठाउँका लागि तोकिएको छ ।

        २०७७ सालमा प्रदेशले दिने ६ दिनको विदा सम्बन्धी निर्णय भएको र त्यसमध्ये ४ दिन प्रदेशभर एउटै प्रकारको हुने मुख्यमन्त्रीका प्रेस सल्लाहकार शेरबहादुर केसीले जानकारी दिनुभयो । त्यसरी छुट्याइएको विदामा बकरइद, माघ १ गते र २ गते मााघी विदा, फागुन ३ गते  प्रदेश स्थापना दिवस रहेका छन् ।त्यसैगरी स्थानीय तहको निर्णयबाट हुनेगरी एक दिनको विदा छुट्याइएको छ ।निश्चित पर्व मनाउने समुदाय र ठाउँलाई केन्द्रित गरेर एक दिन विदा छुट्याइएको छ । रुकुम रोल्पामा मनाइने भूमे पूजा, थारु समुदायलाई लक्षित गरी बडका अतवारी र पाल्पाको भगवती जात्रा लक्षित गरि पनि विदा छुट्याइएको छ ।