संक्रमित राखिएको होटलमा आगलागी, ७ जनाको ज्यान गयो

काठमाण्डौ २५ साउन ।  भारत आन्ध्र प्रदेशको विजयवाडामा एक होटलमा आगलागी हुँदा ७ जनाको ज्यान गएको छ ।कोरोना संक्रमण पुष्टि भएकाहरुलई राख्न एउटा निजी अस्पतालले प्रयोग गरिरहेको स्वर्ण प्यालेस होटलमा आगलागी भएको भारतीय संचारमाध्यमले जनाएका छन् । होटलमा ४० जना रहेका बेला आगलागी भएको हो । आन्ध्र प्रदेशका गृहमन्त्री मेकाथोटी सुचरिताले विद्युत सर्ट भएर आगो लागेको जानकारी दिनुभएको छ ।घटनाको थप विवरण आउँन बाँकी छ ।