घटेन रुपन्देहीको संक्रमण भैरहवामा सबैभन्दा धेरै

भैरहवा २५ भदौ । रुपन्देहीमा दैनिक नयाँ संक्रमण पुष्टि हुने क्रम २ साता यता घट्न सकेको छैन । निरन्तर बढ्दै गएको छ । बुधबार ४२ जना कोरोना भाइरसका संक्रमित थपिएसंगै यस्तो अवस्था आएको हो । स्वास्थ्य कार्यालय रुपन्देहीका अनुसार २४ जना पुरुष र १८ जना महिला हुन्।यो सँगै रुपन्देहीमा जम्मा संक्रमितको संख्या १३९० पुगेको छ भने सक्रिय संक्रमितको संख्या ७१८ पुगेको छ।

    स्वास्थ्य कार्यालयका अनुसार बुटवलमा ७ जना, सिद्धार्थनगर भैरहवामा २४ जना, कोटहीमाइमा ५ जना, देवदहमा २ जना, लुम्बिनी सांस्कृतिक नगरपालिकामा २ जना, शुद्धोधन र मायादेवी गाउँपालिकामा १–१ जना संक्रमित थपिएका छन् ।रुपन्देहीमा बुधबारसम्म १४ जनाको मृत्यु भएको स्वास्थ्य कार्यालयका भेक्टर कन्ट्रोल निरीक्षक केदार शाहले जानकारी दिए । उनका अनुसार ६५८ जना संक्रमणमुक्त भएका छन् ।