बेवारीसे यूवतीको शवको पहिचान हुन सकेन

कपिलवस्तु १७ मंसिर । कपिलवस्तुको कृष्णनगर नगरपालिकामा फेला परेकी एक बेवारीसे युवतीको शव २ दिन सम्म पनि पहिचान हुन सकेको छैन । । नगरपालिकाको वडा नं ४ शिर्शिहवा गाउँको बगैँचामा अन्दाजी २२/२५ वर्षिय युवतीको  शब मंगलवार साझ फेला परेको हो ।  रुखको फेदमा बाँया खुट्टामा सलले बाँधी घुमाएर घाँटीमा बाँधेको अवस्थामा फेला परेको इलाका प्रहरी कार्यालय कृष्णनगरका प्रहरी निरिक्षक सुकदेव पौडेलले जानकारी दिनुभएको छ ।

    मंगलवार साँझ ६ बजेतिर शब भेटिएको र हालसम्म मृतकको पहिचान नखुलेको उहाँले बताउनुभयो । शब पोष्टमार्टमका लागि प्रादेशिक अस्पताल लुम्बिनीमा पठाईएको छ । घटनाको थप अनुसन्धान भइरहेको जनाईएको छ । महिला हिंसा विरुद्धको १६ दिने अभियान चलिरहेको बेला कृष्णनगरमा फेरी जघन्य घटना घटेको हो ।