कपिलवस्तु १८पुस ।कपिलवस्तुको तौलिहवामा स्वर्गिय प्रमोदराज शर्मा स्मृती पत्रकारिता पुरस्कार बितरण गरिएको छ । नेपाल प्रेस युनियन कपिलवस्तु शाखाले हरेक बर्ष बितरण गर्ने पुरस्कार जिल्लाका दुई सञ्चारकर्मीलाई दिईएको हो । साहित्यकार हरिराज शर्मा (हराश) का स्वर्गिय छोरा प्रमोदराज शर्माको स्मृतीमा युनियनले राखेको अक्षयकोषबाट जनही ५ हजार ५ सय ५५ रुपैया राशीको पुरस्कार बितरण गरिएको थियो ।
नेपाल प्रेस युनियनका केन्द्रिय अध्यक्ष बद्री सिग्देल र नेपाल पत्रकार महासंघका केन्द्रिय महासचिव रमेश बिष्ट, अक्षयकोषका संरक्षक हरिराज शर्माले सञ्चारकर्मी सोना खटिक र नारद कोहारलाई पुरस्कार रकम र प्रमाणपत्र प्रदान गर्नुभएको थियो । पुरस्कृत सञ्चारकर्मी खटिक रेडियो कपिलवस्तुकी स्टेशन म्यानेजर हुन भने कोहार साझा न्युजका कार्यकारी सम्पादक रहेका छन । कोभिड संक्रमणका बेला सबै भन्दा बढि सञ्चारकर्मी मारमा परे पनि सरकारले सञ्चारकर्मीलाई सहयोगका प्याकेज उपलब्ध गराउन नसकेको युनियनका केन्द्रिय अध्यक्ष बद्री सिग्देलले बताउनुभयो ।
युनियनका जिल्ला सभापति गोपाल भण्डारीको अध्यक्षतामा सम्पन्न पुरस्कार बितरण समारोहमा बोल्दै अधिकारकर्मी रवि ठाकुर, काँग्रेस पुर्व जिल्ला सभापति राजेश आचार्य, पुर्व जिबिस सभापति रमेश शर्मा लगायतले युनियनको कार्यको प्रशंसा गरे ।
प्रतिक्रिया