करणी गर्न पुगेका पुरुषलाई कोठामा थुनेर प्रहरी बोलाएपछि …

तुलसीपुर ७ माघ । दाङमा जवरजस्ती करणी गर्न खोजेको आरोपमा एक ब्यक्तिलाई पक्राउ गरिएको छ । ईलाका प्रहरी कार्यालय तुलसीपुरका अनुसार दंगीशरण गाउँपालिका–७ श्रीगाउँ निबासी ३० बर्षीय हरि देवकोटालाई पक्राउ गरिएको हो ।उनले माघ ३ गते राति ७ बजेतिर एक महिलामाथि जबरजस्ती करणी गर्न खोजेको भनी उजुरी परेकाले अनुसन्धानकालागि पक्राउ गरिएको प्रहरीले बताएको छ ।

    मापसे गरेर ति महिलामाथि हातपात गर्नुका साथै संवेदनशील अंगमा छोएको भन्दै उजुरी परेपछि पक्राउ गरिएको हो ।करणीको प्रयास गरेपछि महिलाले घरभित्र थुनेर प्रहरीलाई बोलाएपछि नियन्त्रणमा लिईएको हो । देवकोटालाई सोमबार जबरजस्ती करणी उद्योगमा मुद्दा चलाइएको छ ।