बुटवल २२ बैशाख । दाङ निर्वाचन क्षेत्र नम्बर २ (ख) बाट निर्वाचित लुम्बिनी प्रदेश सभा सदस्य अमरबहादुर डाँगीले राजीनामा दिनुभएको छ। डाँगीले बुधबार प्रदेश सभा सचिवालयमा राजीनामा पत्र दर्ता गराउनुभएको सचिव सचिव दुर्लभकुमार पुन मगरले जानकारी दिनुभयो । डाँगी नेकपा एमालेबाट प्रत्यक्ष निर्वाचित प्रदेश सभा सदस्य हुनुहन्छ । उहाँले आफू अस्वस्थ भएको र राजनीतिक खिचातानीबाट मुक्त भई आराम गर्नु पर्ने भएकाले राजिनामा दिनु परेको बताउनुभएको छ।तर उहालाई विपक्षी मोर्चाले मन्त्री बनाउने सुनिश्चित गरेपछि उहाले पद त्याग गरेर मोर्चालाई सहयोग गर्नु भएको श्रोतको दावि छ ।
यसअघि एमालेका प्रदेश सभा सदस्य कपिलवस्तुका दृगनारायण पाण्डेले राजीनामा दिनुभएको थियो । उहाँ कांग्रेसमा प्रवेश गरिसक्नुभएको छ । यस्तै नेकपाबाट उपचुनाव लड्नुभएकी दाङ निर्वाचन क्षेत्र नम्बर ३ (ख) की प्रदेश सभा सदस्य विमला कुमारी खत्री माओवादी केन्द्रमा प्रवेश गर्नुभएको छ । योसँगै लुम्बिनीमा एमालेमा प्रदेश सभा सदस्य घटेर ३८ जना भएका छन् ।
यद्धपी विमला पुन फर्किन संभावना उच्च रहेको श्रोतको भनाइछ । मुख्यमन्त्री पोखरेलको सरकार थाम्न विपक्षी मोर्चाका केहि सांसदले पदत्याग गरे मन्त्री बन्ने तयारी भएको भरपर्दाे श्रोतको भनाईछ । ८७ सदस्यीय प्रदेशसभा ७९ मा झरेको छ । जसमा २ जनाको स्वेच्छिक राजीनामा भएको छ भने माओवादी केन्द्रका २ र जसपाका ४ सदस्य निष्कासनमा परेका छन् ।
प्रतिक्रिया