मध्यरातमा ओली – नेपाल संवाद, आज भेटवार्ता

काठमाडौं । सत्तारुढ दल नेकपा (एमाले) अध्यक्ष केपी शर्मा ओली र वरिष्ठ नेता माधव कुमार नेपालबीच गएराति टेलिफोन संवाद भएको छ ।

लामो संवादहीनता तोड्दै अध्यक्ष ओली र नेपालबीच टेलिफोन वार्ता भएको नेपालनिकट नेता सोमप्रसाद पाण्डेले जानकारी दिए । दुई नेताबीच आज भेट हुने सम्भावना रहेको पाण्डेले बताए । भेटको समय र स्थान भने तय भएको छैन् । आज बिहान पुनः टेलिफोन संवाद हुनेछ, त्यसपछि भेट हुने तयारी छ ।

नेपालनिकट नेता भीम आचार्यले दुई जनाबीच टेलिफोनमा सम्वाद हुनु एमाले पार्टीका लागि सुखद् पक्ष भएको भन्दै खुशी व्यक्त गरे । उनले पार्टी एकताका लागि दुवै नेता गम्भीर रहेको प्रतिक्रिया दिए ।

अनौपचारिक स्रोतका अनुसार नेपाल समूह लचिलो भए केन्द्रीय समिति बैठक स्थगित गर्ने तयारी छ ।