प्रदेशमा उत्कृष्ट बिद्यालयका प्र.अ. र अध्यक्ष सम्मानित

कपिलवस्तु २२ असार ।जनता मावि प्रदेशकै उत्कृष्ट भएपछि माविका प्र.अ. रमेश पन्थि र विद्यालय व्यवस्थापन समितिका अध्यक्ष हरि पाण्डेलाई  पुरस्कृत गरिएको छ । दुवैजनालाई  एक समारोहका विच वाणगंगा नगरपालिकाका उपमेयर चक्रपाणी अर्याल र वडा नं २ का वडा अध्यक्ष विष्णु पौडेलले सम्मान गर्नु भएको हो । कार्यक्रममा बोल्दै उपमेयर अर्यालले विद्यालयलाई बधाई दिदै थप प्रगतिको कामना गर्नु भयो । विद्यालयलाई नगरले सहयोग गर्ने समेत जनाउनु भयो । गुणस्तरिय शिक्षा प्रदान गर्ने सामुदायिक  विद्यालयलाई सरकारको सहयोग निरन्तर हुने जनाउनु भयो ।

 कार्यक्रममा बोल्दै वडा नं २ का वडा अध्यक्ष एवं नगरका प्रवक्ता पौडेलले आफ्नै वडामा रहेको विद्यालय उत्कृष्ट हुदा निकै खुशी लागेको बताउनु भयो । विद्यालय प्राविधिक धारमा समेत अब्बल हुने उहाँले बताउनु भयो । विद्यालयमा प्राविधिक तर्फ फरेष्टी , अमिन , एजि भेट , सिभिल इन्जिनियरिङ गत वर्ष देखि नै सञ्चालनमा छ भने आरकेटेक्टर एजी प्लान्ट शुरु गर्ने तयारीमा रहेको विद्यालयका प्रअ पन्थिले बताउनु भयो ।   २०१८ सालमा स्थापना भएको विद्यालयमा २ हजार ३ सय ४७ विद्यार्थी रहेका छन ।