नया सरकारको दावि पेश गर्ने म्याद बिहीवार दिउँसो ३ वजे सम्म

रुपन्देही २७ साउन । लुम्बिनी प्रदेशमा संविधानको धारा १६८(१) अनुसार बनेको सरकारका मुख्यमन्त्री शंकर पोखरेलले राजीनामा दिएपछि प्रदेश प्रमुख अमिक शेरचनले संविधानको धारा १६८(२) क मोजिमको नयाँ सरकार गठनका लागि प्रस्ताव आह्वान गरेका छन्।

प्रदेश प्रमुख शेरचनले संविधानको धारा १६८ को उपधारा २ बमोजिम दुई वा दुईभन्दा बढी दलको सरकार गठनका लागि बिहिबार दिउँसो ३ बजे सम्मका लागि प्रस्ताव लिएर आउन आह्वान गरेका हुन्।

अविश्वासको प्रस्ताव पेश गर्नु अगाडी विपक्षी गठबन्धनले ४१ जना सांसदको हस्ताक्षर सहित प्रदेश प्रमुख समक्ष दाबी प्रस्तुत गरेका थिए । यद्देपी सो दाबीमा रिट नपुगेपछि गठबन्धनको तर्फबाट प्रदेश प्रमुखलाई पुनस् बहुमत सहितको दाबी प्रस्तुत गर्नु पर्ने छ ।