चारनम्बर १५असोज । सिभिल बैंक चारनम्बर शाखाले बाणगंगा गजेहडा भूपु सैनिक खानेपानी सरसफारई तथा उपभोत्ता समितिलाई प्रिन्टर मेसिन प्रदान गरेको छ । विहिवार एक कार्यक्रमका बीच सिभिल बैंकको चारनम्बर शाखाले सामाजिक उत्तरदायित्व अन्र्तगत खानेपानी समितिको आवश्यकतालाई मध्यनजर गर्दै एक थान प्रिन्टर मेसिन प्रदान गरेको हो ।
कार्यक्रमलाई सम्बोधन गर्दै बैंकका ब्रान्च म्यानेजर लेखनाथ अधिकारीले सिभिल बैंकले जनताका आवश्यकतालाई सहज तुल्याउन हरेक क्षेत्रमा योगदान दिने प्रयास गरेको र आगामी दिनमा पनि सामाजिक उत्तरदायित्व निर्वाह गर्ने प्रतिवद्धता व्यक्त गर्नुभयो ।
यस्तै खानेपानी समितिका अध्यक्ष राजेन्द्र विक्रम शाहले सामाजिक उत्तरदायित्व माथिको महत्व उल्लेख गर्दै बैंकले समितिलाई गरेको सहयोगको लागी धन्यवाद व्यक्त गर्नुभयो । अध्यक्ष शाहले खानेपानी समितिले बाणगंगावासीलाई शुद्ध खानेपानी उपलब्ध गराउन दिनरात लागेको र सोही क्रममा विभिन्न पक्षले सहयोग मिलेको बताउनुभयो ।
खानेपानी समितिका उपाध्यक्ष झलक मल्ल ठकुरीको स्वागत मन्तव्य रहेको कार्यक्रमको संचालन समितिका लेखा संयोजक कमल पौडेलले गर्नुभएको थियो । कार्यक्रममा खानेपनि उपभोक्ता समितिका पदाधिकारी, बैंकका कर्मचारी, पत्रकार लगाएतको उपस्थिती रहेको थियो ।
प्रतिक्रिया