बुद्धभूमिमा घोराई नालाले बगाएर मृत्यु भएका परिवारलाई मेयर श्रेष्ठद्धारा आर्थीक सहयोग ।

कपिलवस्तु, कार्तिक १५ । कपिलवस्तुको बुद्धभुमी नगरपालिका वडा नम्बर १० ढडीहवा स्थित घोराई नाला तर्ने क्रममा मृत्यु भएका २ जना महिलाको आश्रित परिवारलाई नगरपालिकाले १०/१० हजारका दरले राहत रकम प्रदान गरेको छ । मेयर केशव कुमार श्रेष्ठले मृतक परिवारको घर मै पुगी उनीहरुको आश्रित परिवारलाई सो रकम हस्तान्तरण गरेका थिए । सो घटना प्रति दुःख ब्यक्त गर्दै मेयर श्रेष्ठले मृतकका परिवार प्रति समबेदना समेत प्रकट गरेका थिए । उनले मृतक परिवारलाई अन्य सहयोगका लागि पनि आफुले पहल गर्ने बताए । मृतक परिवारले नगरपालिकाले थारै भए पनि राहत रकम प्रदान गरेमा आफुहरुलाई घाउमा मल्हम लगाउने काम गरेको बताएका छन् । गत कार्तिक ३ गते नाला तर्ने क्रममा २५ बर्षिया सिता थारु र १२ बर्षिया सूजना थारुलाई घोलले बगाएको थियो । सिताको साँझ र सूजनाको ३ दिन पछि शव फेला परेको थियो ।