कपिलवस्तुमा चार करोड भन्दा बढि इट्टा नष्ट, बिमा नहुँदा ब्यवसायी मर्कामा

हरि घिमिरे,

कपिलवस्तु १६ माघ ।गत आईतवार र सोमवार परेको बेमैसमी बर्षले कपिलवस्तु लगाएत लुम्बिनी प्रदेश भरिका इट्टा ब्यवसायीहरु मर्कामा परेका छन् । जिल्लाको कृष्णनगर, विजयनगर, शिवराज, महाराजगंज, बुद्धभुमि, तैलिहवा, मायादेवि, यसोधरा, शुद्धोधन, बाणगंगामा सञ्चालित इट्टा उधोगहरुमा बर्षले थप क्षति पुगेको इट्टा ब्यवसायीहरु बताउछन् । करिव ३० कारोडको क्षति ब्यर्होन बाध्य भएको उनिहरुको भनाई छ । काँचो ईट्टाको बिमा नहुदा कपिलवस्तुमा करिव चार करोड इट्टा नष्ट भएको इट्टा ब्यवसायी संघ कपिलवस्तुका महासचिव नेत्र पाण्डेले बताए ।

उनले भने“कपिलवस्तुमा सञ्चालित ७० वटा इट्टा उद्योगहरुले बिमाकै कारण बर्षेनी करोडौको नोक्सान ब्यहोरी रहेका छन । आज भन्दा एक महिना अगाडि मात्रै परेको बर्षले पनि ब्यवसायिले नोक्सानि बेर्होनु परेको थियो । यस्तै कोईलाको रेट दोब्बर हुदाँ आपुर्तिमा असहज भएको छ । यस्तै विविध कारणले उपभोक्ताहरु प्रत्यक्ष चर्को मुल्य तिरेर इट्टा खरिद गर्न बाध्य छन् । काँचो ईट्टाको अभाव हुदाँ ईट्टा उत्पादन हुन सकेको छैन् । यस बर्ष ईट्टाको मुल्य १८ रुपौंया देखि २० सम्म पर्न सक्ने बताईएको छ । यस प्रति कुनै निकायले चासो दिएको छैन् । जसले गर्दा बजारमा ईट्टा अभाव हुने देखिएको छ ।