राष्ट्रपति शैक्षिक सुधारकालागि ५२ विद्यालय छनौट: सबैभन्दा धेरै कपिलवस्तु र कृष्णनगरवाट

कपिलवस्तु ६ फागुन । राष्ट्रपति शैक्षिक सुधार कार्यक्रमका लागि कपिलवस्तुका ५२ वटा विद्यालय छनौट भएका छन्। जिल्लाका १० वटै पालिकाबाट ती विद्यालयको शैक्षिक सुधार कार्यक्रमका लागि छनौट गरिएको हो।शिक्षा, विज्ञान तथा प्रविधि मन्त्रालयको चालु आर्थिक वर्ष २०७८÷७९ को वार्षिक कार्यक्रम अनुसार राष्ट्रपति शैक्षिक सुधार कार्यक्रमका लागि छनौटमा परेका विद्यालयहरूको नामावली सार्वजनिक भएअनुसार कपिलवस्तुका ५२ वटा विद्यालय परेका हुन्। छनौट भएका विद्यालयको बजेट छिट्टै स्थानीय तहमार्फत् निकासा हुने छ।
छनौट भएका विद्यालयहरुमा सबै भन्दा धेरै कपिलवस्तु नगरपालिकाका ८ वटा रहेकाछन् । त्यसैगरी कृष्णनगर नगरपालिकाका ७ वटा ,बाणगंगा नगरपालिकाका ६ वटा र मायादेवी गाउँपालिकाका ६ वटा रहेकाछन् ।यसैगरी विजयनगर गाउँपालिकाका ५ वटा, शिवराज नगरपालिकाका ५ वटा, महाराजगंज नगरपालिकाका ५ वटा र बुद्धभुमि नगरपालिकाका ३ वटा विद्यालय छनोटमा परेका हुन्। त्यस्तै शुद्धोधन गाउँपालिकाका ५ वटा र यशोधरा गाउँपालिकाका २ वटा, विद्यालयहरु कार्यक्रमका लागि छनोटमा परेका हुन्।