एमसीसी टेबल गर्ने विषयमा माओवादीका तीन सांसदले जनाए लिखित असहमति

काठमाडौं,०८ फागुन । नेकपा माओवादी केन्द्रका प्रमुख सचेतक देव गुरुङसहित तीन सांसदले सभामुख अग्नि सापकोटालाई पत्र लेखेर एमसीसी अगाडि नबढाउन आग्रह गरेका छन् ।

नेता देव गुरुङ, रेखा शर्मा र जयपुरी घर्तीले सभामुखलाई संयुक्त पत्र लेख्दै एमसीसी टेबुल गर्ने विषयमा गम्भीर असहमति जनाएका हुन् ।

राष्ट्रिय सहमति कायम नभएको, संशोधन र परिमार्जनको सुनिश्चितता पनि नभएको र संसद अवरुद्ध रहेको भन्दै उनीहरुले एमसीसी संसदमा टेबल गर्ने विषयमा आफूहरुको गम्भीर असहमति रहेको उल्लेख गरेका छन् ।