दोश्रो राउण्डमा शेखर समुहका गौडेल सभापतिमा निर्वाचित

वाँके २१ फागुन ।नेपाली काँग्रेस बाँकेको सभापतिमा नारायणप्रसाद गौडेल निर्वाचित भएका छन् । आज दोस्रो राउन्डको मतदानमा संस्थापन पक्षका उम्मेदवार बादसाह कुर्मीलाई पराजित गर्दै संस्थापन इतर समूहका गौडेल सभापतिमा निर्वाचित भएका हुन् । पराजित कुर्मी संविधान सभा सदस्यसमेत रहेका हुन् ।निर्वाचन समितिका अनुसार गौडेलले ७ सय ६० मत ल्याएका छन् भने कुर्मीले ६ सय ६३ मत ल्याए । पहिलो चरणको निर्वाचनमा तेस्रो भएका संस्थापन पक्षका उम्मेदवार सुरेन्द्र हमालले दोस्रो चरणमा कोइराला समूहका गौडेललाई समर्थन गरेका थिए । हमाल लुम्बिनी प्रदेश सरकारमा बन्न मन्त्री समेत रहेका छन् ।
आएको १४ औं जिल्ला अधिवेशन अन्तर्गत बाँकेको सभापतिका लागि सुरुमा चार जनाले उम्मेदवारी दिएका थिए । इतर समूहबाट नारायणप्रसाद गौडेल र संस्थापन समूहबाट सुरेन्द्रबहादुर हमाल, बादशाह कुर्मी र सुनिल नरसिंह राणाले सभापतिका लागि उम्मेदवारी दर्ता गराएकोमा राणाले अन्तिम समय फिर्ता लिएका थिए भने हिजो भएको मतदानबाट सुरेन्द्र पनि आउट भएका थिए ।