असल समाजसेवाको नयाँ उदाहरण पेश गर्ने पौडेलको प्रतिवद्धता

हरि घिमिरे,बाणगंगा २२ वैशाख ।बाणगंगा नगरपालिका वडा ८ मा गठबन्धनको तर्फबाट माओवादि केन्द्रका वडा अध्यक्षका उम्मेद्वार हुमनाथ पौडेलले वडावासिलाई सिरमा राखेर सेवा गर्न आतुर रहेको बताउनु भएको छ । मतदाता भेटघाटका लागि पुग्नु भएका पौडेलले भन्नुभयो “साच्चै मुखले भन्दा व्यवाहारले जनताको सेवा र विकास गर्नु पर्छ ।” वडा न.८ का जनता सक्षम र सचेत भएकाले पनि पाको र व्यवाहारिक उम्मेद्वार जनताले चिनि सकेको बताउनु भयो । घरदैलोका क्रममा जनताका घरमा पुग्नु भएका पौडेलले वडाको विकास र वडावासिका सना, ठुला समस्या समाधान गर्ने प्रतिबद्धता जनतासामु राख्नु भएको छ । उहाँले कुनै प्रलोभनमा नपरि सच्चार र्कमठ चार दलिय गठबन्धनका उम्मेद्वारहरुलाई विजयी गराउन वडा वासि समंक्ष आग्रह गर्नु भयो।

मतदाता भेटघाटमा महिला सदस्यमा सिर्जना गैरे, दलित महिला सदस्यमा अनुराधा परियार र खुल्ला सदस्यहरुमा कमल वेल्वासे र शिव खासु मगर गरि ५ जनाको सक्रिय टिमले वडाका मतदातासंग भेटघाट गरि घरदैलो कार्यक्रम गरेका छन् । निर्वाचन परिचालन कमिटि वडा ८ का संयोजक टोप नारायण वेल्लासे हामि जित्छौ भन्ने विश्वासका साथ घर दौलोलाई तिव्रता दिएको बताउनु भयो । मतदाता भेटघाट तथा घरदैलो कार्यक्रममा पार्टीका प्रदेश ईन्र्चाज चक्रपाणि खनाल बलदेव, जिल्ला ईन्र्चाज रामचन्द्र शाह विष्णु, प्रदेश कमिटि सदस्या नारायण भुसाल, सरोज खनाल, यमा वञ्जाडे, जनि बञ्जाडे, युवा नेता कपिल पौडेल लगाएतका नेता तथा कार्यक्रताको बाक्लो उपस्थितीमा प्रचार प्रशार भईरहेको बताईएको छ ।

विभिन्न सामाजिक संघ संस्थाहरुको नेतृत्व गरेका र दशकौ देखि राजनितिमा होमिनुभएका युवा लोकप्रिय नेता हुमनाथ पौडेललाई वडाध्यक्ष पदको उम्मेद्वार बनाएसंगै वडावासी तथा युवावर्गहरु पौडेल वडा अध्यक्षमा आउनेमा ढुक्क छन् । चार दलिय गठबन्धनले कक्षा १२ सम्म निःशुल्क शिक्षा, वडैपिच्छे १५ शैयाको स्वास्थ्य केन्द्र लगाएतका विषयलाई मुख्य योजनामा राखेको छ । गठबन्धनले शुुसासन–जनमुखी र पारदर्शी प्रशासन, शिक्षा, स्वास्थ्य, स्वरोजगार, कृषि, पर्यटन, ढल तथा फोहोरमैला व्यवस्थापन, औधोगिकीकरण, भौतिक पूर्वाधार तथा विशेष योजना समेटेर नगर विकास परियोजनाको घोषणापत्र बनाएको हो । गठबन्धनले नगर प्रमुखमा माओवादीका देवराज अर्याल र उपप्रमुखमा नेकपा (एस)का कमल भट्टराईलाई उम्मेदवार बनाएको छ । यसैगरी ११ वटै वडामा सबै ४ वटै दलबाट प्रतिनिधित्व हुने गरी उम्मेदवार रहेका छन् । वाणगंगाका सबै वडाहरुमा प्रचारप्रसार अभियानलाई तिव्र पारिएको छ भने संयुक्त घरदैलो अभियान पनि जारी राखिएको जनाइएको छ ।