कृषि, शिक्षा र स्वास्थ्यको विकास मेरो वडाको विकासः वडा ३ का अध्यक्ष पदका उम्मेद्वार झेडी

कपिलवस्तु, २३ वैशाख ।
कपिलवस्तुको बाणगंगा नगरपालिका वडा न.३ मा चार दलिय गठबन्धनले मतदाता भेटघाट, प्रचार प्रसार तथा मतदाता भेटघाटलाई तिब्रता दिएको छ । बैशाख ३० गते हुने स्थानीय तहको निर्वाचनलाई मध्यनजर गर्दै चुनाव प्रचार प्रसार कार्यक्रम तथा मतदाता भेटघाटलाई गठबन्धनले तिब्रता दिइएको हो ।
गठबन्धनको तर्फबाट माओवादि केन्द्रका वडा अध्यक्षका उम्मेद्वार टेक बहादुर झँेडी मगरले मतदाताका भेटघाटका क्रममा वडाका जनताका कृषि, शिक्षा, स्वास्थ्य, सिञ्चाई लगाएतका समस्या रहेको बताउनु भएको छ । मतदाता भेटघाटका लागि जनताका घरमा पुग्नु भएका झेडि मगरले वडावासिको कृषि, शिक्षा र स्वास्थ्यको विकास मेरो वडाको विकास भन्ने नाराका साथ सबै खाले समस्या समाधान गर्न आफु प्रतिबद्ध रहेको बताउनु भएको छ । उहाँले कुनै लोभ लालचमा नपरि सच्चा र र्कमठ चार दलिय गठबन्धनका उम्मेद्वारहरुलाई विजयी गराउन वडा वासि समंक्ष आग्रह गर्नु भयो । मतदाता भेटघाटमा महिला सदस्यका उम्मेद्वार अन्जु चौधरी, दलित महिला सदस्यमा सुन्तली परियार र खुल्ला सदस्यहरुमा सन्तलाल चौधरी र कनैंयालाल चौधरी गरि ५ जनाको सक्रिय टिमले वडाका मतदातासंग भेटघाट गरि घरदैलो कार्यक्रम गरेका छन् । भोट माग्न मतदाता संग पुगेका उनीहरुले ‘ब्यवस्था वदल्यौं’ वडावासिको अवस्था बदल्न आफुहरुको उम्मेद्वारि रहेकाले सम्पुर्ण वडावासिले मतदान गरेर विजयी बनाउन आपिल समेत गरेका छन् ।