कपिलवस्तु ।
नेकपा (एमाले) को तर्फबाट बाणगंगा नगरपालिकाका मेयरका प्रत्यासी चक्रपाणी अर्यालले राजापानीलाई गुरुयोजना अनुरुप कार्य सम्पादन गर्दै प्रदेशकै नमुना पर्यटकीय केन्द्रको रुपमा विकास गरिने बताउनुभयो । मेयरका प्रत्यासी अर्यालले राजापानी क्षेत्र पर्यटकका लागि अहिले पनि आकर्षकको केन्द्र बनेको चर्चा गर्दै आगामी दिनमा स्थानीय जनताको आयआर्जनसंग जोडेर राजापानी क्षेत्रको विकासमा नगरले विशेष कार्यक्रम ल्याउन स्पष्ट पार्नुभयो । वाणगंगा ३ मा सिउटी, करमानामा आयोजना भएको घरदैलो कार्यक्रममा मतदातासंग भेटघाटका क्रममा उक्त कुरामा जोड दिनुभएको हो ।
अर्यालले वडा भित्र रहेको जवाई मुलसंग जोडेर नहर निर्माण गर्ने कार्य सम्पन्न गर्ने दावी गर्नुभयो । अर्यालले नगर भित्र देखा परेको सुकुम्बासी समस्यालाई यथाशिर्घ समाधान गर्ने काम आफ्नो प्राथमिकतामा रहेको समेत बताउनुभयो । अर्यालले सबै जातजाती वर्ग समुदायको संरक्षण गर्ने दायित्व नगरपालिकाको भएको चर्चा गर्दै थारु संस्कृति संरक्षण गर्ने राजापानीमा प्रस्तावित थारु संग्रालयलाई पुरा गर्ने प्रतिवद्धता ब्यक्त गर्नुभयो ।
त्यस्तै उपमेयरकी प्रत्यासी रिता थारुले रोजगारी वृद्धिका लागि जल, जंगल र जमिनमा आधारित उद्योग स्थापनामा प्रोत्साहन गर्दै अनुदानको ब्यवस्था गर्ने, सिचाईको उचित प्रबन्ध गर्ने, कृषकलाई प्रोत्सान गर्ने, शिक्षाको गुणस्तर सुधार गर्ने, वार्डका अधुरा भौतिक पूर्वाधारका कार्यलाई तिव्रता दिने प्रतिवद्धता ब्यक्त गर्नु भयो । उपमेयरकी प्रत्यासी रिता थारुले महिला स्वस्थ्य स्वयमसेविकालाई उनीहरुको कार्य सम्पादनको आधारमा प्रोत्साहन गर्ने र महिला तथा बालबालिकालाई निशुल्क ओपिडी ब्यवस्था गर्ने बताउनु भयो ।
घरदैलो अभियानका क्रममा एमालेकोे तर्फबाट बाणगंगा न.पा. वडा नं. ३ का अध्यक्षका प्रत्यासी सन्तराज रौतार (थारु) ले वडा भित्र कृषि, पशु सेवा केन्द्र, वडा प्रहरी कार्यालय लगायतका भौतिक पूर्वाधारमा आफुले उचित ध्यान पु¥याउने प्रतिवद्धता ब्यक्त गर्नुभयो । वडा अध्यक्षका प्रत्यासी थारुले सडकका दुवै साइडमा सडक वत्ति जडान गर्ने, वडाका सबै टोल बस्तीमा शुद्ध पानिको ब्यवस्था गर्ने, वडा भित्रका सार्वजनिक जग्गाको संरक्षण गर्ने प्रतिवद्धता ब्यक्त गर्नुभयो ।
संयौको संख्यामा रहेको घरदैलो अभियानमा एमाले नेता मित्रलाल शर्मा, गोपाल ज्ञवाली वडा नं. ३ का वडा सदस्यका उम्मेद्वार बाबुराम आचार्य, चन्द्रावती थारु, गंगादेवी सुनार, सोमनाथ राना लगायतका नेता, कार्यकर्ता, शुभेच्छुक, मतदाताहरुको उत्साहजनक उपस्थिती रहेको एमाले वडा नं. ३ को निर्वाचन परिचालन कमिटीले जनाएको छ ।
प्रतिक्रिया