मेयर उम्मेदवार रजत शाहको कृष्णनगर बजारमा घर दैलो , कृष्णनगरबासी परिवार जस्ता

कपिलवस्तु, बैशाख २६ ,कपिलवस्तु जिल्लाको कृष्णनगर नगरपालिकाको कृष्णनगर बजारमा कृष्णनगर नगरपालिकाको नेपाली कांग्रेस नगर प्रमुख पदका उमेदवार रजत प्रताप शाह तथा उप प्रमुख पदकी उम्मेदवार आरती कुर्मी , सांसद अभिषेक प्रताप शाह, शैलेष प्रताप शाह, अकिल मियां लगायत बहुसंख्यक समर्थकका साथ घर दैलो गरेका छन् ।कृष्णनगर नगरपालिका विभिन्न वडाका कांग्रेस पार्टी बाट उमेदवारी दिएका वडाध्यक्ष तथा वडा सदस्य लगायत नेपाली कांग्रेस पार्टी समर्थक नेता तथा जनताका साथ घरदैलो अभियानमा समावेश रहि जनता संग भोट माग्न व्यस्त रहेका थिए ।कृष्णनगर बजारको मुटु भनेर चिनिने गोलघरमा आफ्नो मन्तव्य राख्दै मेयर उमेदवार रजत प्रताप शाहले आफू पांच बर्ष जनताको बिचमा रहि जनता प्रति वफादार रहि काम गरेको र आफूले धर्म, जातपात, भन्दा मानवतावादी भै जनता प्रति समर्पित रहेको बताउदै नगर भित्र चलिरहेको विकासका कार्यलाई निरन्तरता दिने चाहना रहेकाले पुन स्थानीय चुनावमा भोट दिएर आफूलाई जिताउन सबैसंग अनुरोध गरेका थिए ।