प्रधानमन्त्री देउवाका भाइको निधन

काठमाडौं, ०३ जेठ ।
प्रधानमन्त्री एवं कांग्रेस सभापति शेरबहादुर देउवाका सहोदर भाइ प्रेमबहादुर देउवाको निधन भएको छ।

क्यान्सर रोगबाट पीडित प्रेमबहादुरको वीर अस्पतालमा उपचारका क्रममा मंगलवार बिहान निधन भएको प्रधानमन्त्री देउवाको प्रेस प्रमुख गोविन्द परियारले जानकारी दिए। उनको आजै अन्त्येष्टिको तयारी भइरहेको उनले बताए।

कांग्रेस वरिष्ठ नेता रामचन्द्र पौडेलले उनको निधनमा शोक व्यक्त गरेका छन्। सम्माननीय प्रधानमन्त्री एवं नेपाली कांग्रेसका सभापति मेरा मित्र श्री शेरबहादुर देउवाका भाई श्री प्रेमबहादुर देउवाको निधनको खबरले मलाई अत्यन्त मर्माहत बनाएको छ, पौडेलले सामाजिक सञ्जाल फेसबुकमा भनेका छन्, दुस्खद यस क्षणमा मृत आत्माको चीर शान्तिको कामना गर्दै समस्त शोकाकुल परिवारप्रति गहिरो समवेदना प्रकट गर्दछु।