सरकारले मिर्गौला रोगीहरूको निःशुल्क मिर्गौला प्रत्यारोपण गर्ने

काठमाण्डौं, १५ जेठ ।
सरकारले मिर्गौला रोगीहरूको निःशुल्क मिर्गौला प्रत्यारोपणको व्यवस्था मिलाएको छ । अर्थमन्त्री जनार्दन शर्माले बजेट वक्तव्यमार्फत् उक्त घोषणा गरेका हुन् । विपन्न मिर्गौला रोगीहरूलाई निःशुल्क मिर्गौला प्रत्यारोपण गर्न १० करोड रूपैयाँ विनियोजन गरेको छ ।

शर्माले आगामी आर्थिक वर्षको बजेट सार्वजनिक गर्दै क्यान्सर र मेरुदण्डका बिरामीलाई मासिक ५ हजार भत्ता उपलब्ध गराउने बताएका छन् । यसका लागि १ अर्ब ५० करोड बजेट विनियोजन गरिएको शर्माले बताए ।