“पाँच वर्षे कार्ययोजना बनाएर विकास गर्छु” यशोधरा गाउँपालिका अध्यक्ष तिवारी

जानु पाण्डे
जेठ १७
कपिलबस्तु । गाउँपालिकाको दिगो विकासको लागि पञ्च वर्षिय कार्ययोजना बनाएर कार्यान्वय गर्ने कपिलवस्तुको यशोधरा गाउँपालिका अध्यक्ष शिव दयाल तिवारीले बताउनु भएको छ । गाउँपालिकामा बन्दै गरेका ८.५ किलोमिटर कालोपत्रे सडक सिलन्यास कार्यक्रममा बोल्दै अध्यक्ष तिवारीले पालिकाले ठोस योजना बनाउन नसक्दा विकासको सवालमा कमजोर भएको बताउनु भएको छ ।
यशोधरा गाउँपालिका भारतीय सिमा सँग जोडिएको हुँदा कृषि, उद्योग, पर्यटन, व्यवसायमा अत्याधिक लाभ लिन सकिने भए पनि भौतिक पुर्वाधारको कमिको कारण पछाडी परेको तिवारीले बताउनु भयो ।
पालिका अध्यक्षमा नव निर्वाचित हुनु भएका तिवारीले गाउँपालिकामा स्वास्थ्य, शिक्षा, कृषि, सिंचाईको अवस्था परीवर्तनका लागि प्रदेश र संघिय सरकारका ठुला योजना समेटिनु पर्ने बताउनु भयो ।
गाउँपालिकामा उच्च शिक्षा अध्ययन गर्न क्याम्पस नभएको हुँदा स्थापनाको लागि पालिकाले योजना बनाउने बताउनु भयो ।
उहाँले गाउँपालिकामा विपन्न समुदायको घरधुरी धेरै भएको हुँदा खरको छानो मुक्त बनाउनको लागि प्रयासरत रहने समेत बताउनु भयो । गाउँपालिका स्वच्छ खानेपानी र एक घर एक धारा अभियान सञ्चालन गर्न प्रदेश सरकार सँग समन्वय गर्न भूमिका खेल्ने बताउनु भयो ।