१८ जेष्ठ
बुटवल । बुटवलको देवीनगर क्षेत्रमा केही दिनदेखि विद्युत आपूर्तिमा समस्या भएको छ । देवीनगरको ओली पथमा रहेको ट्रान्सर्फमरमा अत्याधिक लोड हुँदा एमसीबी झरि रहदा सो क्षेत्रमा विद्युत आपूर्तिमा समस्या भएको नेपाल विद्युत प्राधिकरण बुटवल शाखाका प्रमुख सुरेश महोतले जानकारी दिए । ट्रान्सर्फमरमा समस्या हुँदा देवीनगर क्षेत्रका दुई बढी घरमा विद्युत आपूर्तिमा समस्या उत्पन्न भएको उनले बताए ।
सो ट्रान्सर्फमरमा अत्याधिक लोड भएका कारण अर्को नयाँ ट्रान्सर्फमर थप गर्ने तयारी रहेको र भोलिसम्म ट्रान्सर्फमर राखिसक्ने प्रमुख महोतले जानकारी दिए । एससीबी झरि रहने समस्याको केही मात्रामा भए पनि समाधान गर्नका लागि अहिले प्राविधिक टोली गएको बताए । विहीबार नयाँ ट्रान्सर्फमर जडान भए पछि सो क्षेत्रमा विद्युत आपूर्तिको समस्या हल हुने उनी बताउँछन् ।
गर्मीको समस्यामा विद्युत नहुँदा आफूहरुलाई धेरै समस्या भएको स्थानीयहरुको गुनासो रहेको छ ।‘ केही दिनदेखि यँहा विद्युत आउने जाने गरी रहेको छ । विद्युत आए पनि डिम मात्रै आउने गर्छ । विद्युत आपूर्ति सहज रुपमा नुहँदा धेरै समस्या भएको छ ।’–एक स्थानीयले भने ।
१८ जेष्ठ २०७९, बुधबार
प्रतिक्रिया