कपिलवस्तुको बाणगंगामा अपहरण पछि वालिकाको बलात्कार, ६ जना पक्राउ

बाणगंगा, १९ जेठ ।
कपिलवस्तुको वाणगंगा नगरपालिका वडा न. १० पटनाकी १७ वर्षीय बालिकाको अपहरण पछि बलात्कार गर्ने ६ युवालाई जिल्ला प्रहरी कार्यालय कपिलवस्तुले पक्राउ गरेको छ । मङ्गलवार राती ११ बजे सांस्कृतिक कार्यक्रम हेरेर घर फर्किंदै गर्दा बालिकाको अपहरण गरिएको थियो । रुपन्देही कन्चन गाउँपालिकाका युवाहरूले मोटरसाइकल र स्कुटरको प्रयोग गरी अपहरण गरेको सूचना पाए पछि राती देखी प्रहरीले खोजतलास जारी गरेको थियो । अपहरण पछि कञ्चन गाउँपालिका ३ मा बालिकाको बलात्कार गरिएको थियो । जिल्ला प्रहरी कार्यालय कपिलवस्तुका प्रवक्ता प्रहरी नायव उपरीक्षक जेसी शाहले बुधवार ३ बजे घटनामा संलग्न ६ जनालाई पक्राउ गरिएको बताउनु भयो । पक्राउ पर्नेमा कञ्चन गाउँपालिका ५ का नीरज कार्की, वडा नम्बर ४ का राहुल सिंजाली, सुलभ केसी, वडा नम्बर ३ का लक्ष्मण रसाइली, अमित कँडेल र गौरव थापा रहेका छन् ।