डाक्टरको दादागिरी बढेपछि ,कारबाहीको सिफारिस

नेपालगञ्ज २२ असार । भेरी अस्पतालमा कार्यरत डा.सुरेशकुमार नागले एक वर्षदेखि नियमित ड्यूटी नगरेपछि अस्पताल प्रशासनले कारबाहीका लागि पत्र काटेको छ । भेरी अस्पतालमा कार्यरत वरिष्ठ कन्सल्टेन्ट सर्जन डा. नागलाई अस्पताल प्रशासनले पटक पटक जिम्मेवारी निर्वाह गर्न अनुरोध गर्दा पनि नमानेपछि कारबाहीका लागि मन्त्रालयलाई पत्र लेखेको हो ।अस्पतालले २०७८ साउन २२ गतेको समितिको निर्णय अनुसार यसअघि पनि उनलाई कारबाही गर्न स्वास्थ्य तथा जनसंख्या मन्त्रालयमा पत्र पठाइएको थियो । यसैबीच डा. नागले असार २० गते अस्पताल प्रशासनमा आएर असार २९ गतेसम्मको हाजिरी गरेको अस्पताल विकास समितिले जनाएको छ । डा. नागले अग्रिम हाजिर गरेर आफुले गल्ती गरेको स्विकार गरेका छन् ।
डा.नागले आफू नियमित डियुटीमा आउने गरेको दावी गरे । सोमवार र शुक्रबार आफ्नो ओपीडी रहेको भन्दै उनले आउन नसक्ने अवस्थामा पत्र लेख्ने गरेको बताएका छन् ।