शिक्षा र स्वास्थ्यमा ब्यापार हुन दिन्नौं : मेयर अर्याल

कपिलबस्तु ३० असार । वाणगंगा नगरपालिकाका प्रमुख चक्रपाणि अर्यालले स्वास्थ्य र शिक्षा व्यापारको रूपमा नभई सेवाको रूपमा जनताको घरदैलोमा पुग्नुपर्ने धारणा व्यक्त गर्नुभएको छ । आधारभुत स्वास्थ्य केन्द्र वाणगंगा नगरपालिका वडा न. ४ को हरीहरपुरमा सिलन्यास गर्दै गर्दै उहाले सो कुरा बताउनु भएको हो । उहाँले स्वास्थ्य केन्द्रको सिलन्यास गर्दै यस स्वास्थ्य केन्द्रबाट असहाय, गरिब तथा आर्थिक अभावमा परेकालाई समेत सहज रुपमा सेवा पुर्याउन आग्रह गर्नुभएको छ ।
प्रमुख अर्यालले शिक्षा र स्वास्थ्य भनेको प्राथमिक एजेण्डा भएकोले सेवा नै हुनुपर्छ र व्यापार हुनु हुँदैन भन्ने सोचले अघि बढाउने प्रतिबद्धता जनाउनुभएको छ । स्वास्थ्य र सरसफाइमा नगरले उच्च चासो दिएको बताउँदै यसको लागि नयाँ–नयाँ योजना तथा सल्लाह सुझाव लिएर आउनेसँग सहकार्य गरिने समेत उहाँले बताउनुभयो ।
स्वास्थ्य केन्द्र सिलन्यास कार्यक्रममा वडा न. ४ का वडा अध्यक्ष छवि रेश्मि, वडा न. ४ स्वास्थ्य केन्द्रका सम्पुर्ण कर्मचारी, हरीहरपुरका स्थानिय बासिन्दा लगाएतको सहभागितामा कार्यक्रम सम्पन्न गरीएको गजेहडा स्वास्थ्य चौकिका इन्चार्ज द्रोण बेल्वासेले जानकारी दिनुभयो ।