मन मिल्यो धनको मतलव भएन :५० लाखको सम्पत्ति नि:शुल्क प्रदान

कपिलबस्तु ५ साउन । कपिलवस्तु जिल्लाको यशोधरा गाँउपालिका एक स्थानीयले पालिकाले क्याम्पस स्थापना गर्न वजेट छुटटाएर जग्गा खोजेको कुरा पालिका अध्यक्ष शिवदयाल तिवार्रीवाट सुनेपछि ५० लाख मुल्य पर्ने १० कटठा जमिन दान स्वरुप दिन प्रतिवद्धता जनाएका छन् । उनले अध्यक्ष तिवारीलाई तपाई मेरो साथी भाई हो तपाईले क्याम्पस स्थापना गर्न वजेट छुटटाएको थाहा पाए जग्गा मैले निशुल्क दिन्छु दाता सोभनाथ कुर्मीले भनेका छन् । कुर्मीले मनमिल्यो धनको प्रवाह भएन भन्दै उक्त घोषणा गरेको अध्यक्ष तिवारीले वताए ।

पालिका भित्र बहुमुखी क्याम्पस निर्माण गर्नका लागि समाजसेवी कुर्मीले १० कठ्ठा जग्गा दानको घोषणा गरेका हुन् । यशोधरा गाउँपालिका वडा नं ५ सुठौलीका शोभनाथ कुर्मीले सो क्याम्पस निर्माणलाई १० कठ्ठा जग्गा दान गरेको वताउदै पालिकाले भनेका दिन मालपोतवाट नामसारी गरिदिने वताएका छन् । यस अघि ५ वर्ष सम्म पालिकामा कुनैपनि क्याम्पस नभएपनि जनप्रतिनिधीले सोच्न सकेनन् । तर अहिले नयाँ प्रतिनिधीले पहिलो वजेटमै क्याम्पस बनाउने घोषणा गरे मन खुसी भएर जग्गा दिन तयार भएको हुँ दाता सोभनाथ कुर्मीले प्रेसपाटीलाई वताए ।