कपिलवस्तुमा एमाले प्रबेशको नयाँ लहर छिटटै : अध्यक्ष शर्मा

कपिलवस्तु १३ साउन । नेकपा एमाले कपिलवस्तुका अध्यक्ष डम्मर शर्माले संघिय र प्रदेश सभाको चुनाव अघि कपिलवस्तुमा एमाले पार्टी प्रबेशको नयाँ लहर आउने दाबी गर्नु भएको छ । उहाले क्षेत्रनं १ मा ठूलो लहर आउने संकेत गर्नु भयो । नगर कमिटी कपिलवस्तु नगरको बैठकलाई तौलिहवामा संवोधन गर्दै यस्तो वताउनु भएको हो । उहाँले स्थानीय चुनाववाट एमालेले विगतमा भन्दा राम्रो स्थिती बनाएको बताउदै अवको चुनावमा ३ वै संघिय क्षेत्र जित्ने दावि गर्नु भयो । सोही बैठकलाई संवोधन गर्दै प्रदेश सांसद एवम एमाले नेता धरमवहादुर लाल श्रीवास्तवले अवको एमाले ५ दलको गठबन्धनलाई परास्त गर्ने चरणमा पुगको वताउनु भयो ।
नगर कमिटी अध्यक्ष श्याम प्रजापतिको अध्यक्षता , श्याम सुवेदीको स्वागत र अजय चौधरीको सहजीकरणमा भएको बैठकले पार्टी सदस्यता नविकरण साउन भित्रै गर्ने साउन २० भित्रनगरका सबै वडाका बैठक बस्ने लगायतका निर्णय गरेको छ । बैठकमा एमालेका प्रदेश नेता वावुराम खनाल ,आजाद अहमद दर्जी , जिल्ला सचिवालय सदस्यहरु किरण देवकोटा ,भेषराज पाण्डे सरिता आचार्य लगायतको उपस्थिती रहेको जिल्ला प्रचार तथा प्रकाशन विभाग उपप्रमुख पार्वती पाण्डेले जानकारी दिनु भयो ।