कृष्णनगरमा सुख्खा बन्दरगाह बनाउने रेल चलाउने अभियानमा सांसद पन्थी

कृष्णनगर ८ भदौ । कपिलवस्तुको कृष्णनगरमा सुख्खा बन्दरगाह बनाउने अभियानमा सांसद विष्णु पन्थीले अभियान शुरु गर्नु भएको छ । उहाले सामाजिक सन्जालमा लेख्नु भएको छ । हाम्रो सबैभन्दा नजिकमा भारतीय रेल कपिलवस्तुमा ? यता नेपालको कृष्णनगर बजार भन्सार उता भारतको बढनी बजार र ब्रोड्गेज रेल संजालमा जोडिएको रेल्वे स्टेसन छ । रेल लिग बाट मुस्किलले २०० मिटरको दुरिमा नेपाली सिमा छुन्छ ।

त्यो रेल लाइन संग हामी जोडिने र ठुला ठुला गोदामघर सहितको सुक्खा बन्दरगाह हुने हो भने हाम्रो आयात र निर्यातमा लाग्ने ढुवानी खर्चमा धेरै कटौती हुने , छिटो हुने , सहज हुने कुरोमा हाम्रो किन ध्यान पुग्न सकेको छैन ? जहिले पनि समयमा अभाव हुने मलको समस्या पनि धेरै कम हुन्थ्यो र ट्रक टैंकरले बोकेर ल्याउने कोइला तेल आदि भन्दा रेलले बोकेर ल्याउदा कति सस्तो हुन्थ्यो ? ढुवानी खर्चमा हुने बचत हिसाब गर्ने हो भने जिब्रो टोक्ने हुन्छौं । अब आखा खोलौ कृष्णनगरमा छिटो सुख्खा बन्दरगाह बनाऔ । हाम्रो अर्थतन्त्रमा धेरै ठुलो प्रभाव पार्न सक्ने यो आयोजनाको लागि निरन्तर दबाब बढाऔ ।हामीले गर्नु छ अरुको आस गरेर हुदैन ।