५० प्रतिशत अनुदानमा मौरी गोला घार वितरण

भगवती न्यौपाने
कपिलवस्तु ३० फागुन । वाणगंगा नगरपालिकाले चालु आर्थिक वर्ष ७९।८० को वार्षिक कार्यक्रम अनुसार ५० प्रतिशत अनुदानमा मौरि गोला घार वितरण गरिएको छ । कृषि फर्म,कृषक समुह र कृषि सहकारी गरि ११ वटा समुहलाई मौरिका गोला घार वितरण गरिएको हो । किसानलाई मौरी गोला हस्तान्तरण गदै नगर प्रमुख चक्र पाणी अर्यालले महको सेवनले मानिसको विभिन्न प्रकारको रोगसंग लड्न सक्ने प्रतिरोधात्मक शक्ति प्रदान गर्ने र महवाट मानिसलाई चाहिने हरेक पौष्टिक आहार प्राप्त हुने बताउनु भयो साथै उहाँले सजिलै विक्री गर्न सकिने भएकाले मौरी पालन प्रति कृषकहरु पछिलो समय आर्कषित हुदै गएको वताउनुभयो ।
नगरका प्रमुख प्रशासकिय अधिकृत खिमानन्द भुषालले दत्तचित्त भएर मह उत्पादन वृद्धी तर्फ लाग्न कृषकहरुलाई आग्रह गर्दै किसानलाई नगरले सधै साथ दिने बताउनु भयो । यता कृषि विकास अधिकृत लेशबाहादुर केशि र कृषि अधिकृत धनिराम आचार्यलले मौरी पालन व्यवसायबाट कृषक व्यावसायिक र आत्मनिर्भर बन्न सक्ने बताउनु भयो । मौरीको गोला र घार वितरण नगरमा भएको थियो ।