नवप्रभात सामुदायिक वनको अध्यक्षमा शोव बहादुर खासु निर्वाचित

कपिलवस्तु १५ कात्तिक

नवप्रभात सामुदायिक वन उपभोक्ता समूहको आठौँ अधिवेशनबाट शोवबहादुर खासु अध्यक्षमा निर्वाचित हुनु भएको निर्वाचना समितिले जनाएको छ। शनिवार सम्पन्न निर्वाचनबाट खासु अध्यक्षमा निर्वाचित हुनुभएको हो ।
नव निर्वाचित कार्यसमितिको उपाध्यक्षमा राजेन्द्र केसी, सचिवमा शान्ति गैरे भण्डारी, सहसचिवमा रेश्मा पन्थी कुँवर र कोषाध्यक्षमा धनमाया गैरे खनाल निर्वाचित हुनु भएको निर्वाचन समितिका संयोजक कृष्ण प्रसाद न्यौपानेले जानकारी दिनु भयो ।
त्यसैगरी कार्य समिति सदस्यहरूमा गोविन्द गिरी, मीना थापा, बलिराम थारू, शिवकुमारी थारू, शोमनाथ भण्डारी, मीना खड्का, बोमबहादुर झाक्री, गंगा सारु, खिमानन्द पौडेल र कल्पना गैरे निर्वाचित हुनुभएको निर्वाचन समितिले जनाएको छ ।
अधिवेशनबाट जितबहादुर कडेलको संयोजकत्वमा तीन सदस्यीय लेखा समिति पनि निर्वाचित भएको छ । लेखा समितिको सदस्यमा मधु बञ्जाडे र अनिता थारू निर्वाचित हुनुभएको छ ।

नव प्रभात सामुदायिक वन उपभोक्ता समूह स्थानीय समुदायको सहभागितामा वन संरक्षण, जैविक विविधताको सुरक्षा, वन पैदावारको सदुपयोग तथा वातावरणीय सन्तुलन कायम गर्न महत्वपूर्ण संस्थाका रूपमा स्थापित संस्था हो । निर्वाचित कार्य समितिले वनको दिगो व्यवस्थापनसँगै उपभोक्ताको हकहित, संस्थागत पारदर्शिता र सामुदायिक विकासका क्षेत्रमा प्रभावकारी भूमिका निर्वाह गर्ने अपेक्षा गरिएको छ।
नयाँ नेतृत्व चयनसँगै सामुदायिक वनको संरक्षण र व्यवस्थापनलाई थप व्यवस्थित बनाउँदै उपभोक्ताको सहभागिता, सहकार्य र संस्थागत सुशासनलाई प्राथमिकता दिनुपर्ने देखिन्छ।