हुकीङ गरी बिद्यूत चोर्ने ७ जना प्रहरीको नियन्त्रणमा

कपिलवस्तु ३ चैत ।हुकीङ गरी बिद्यूत चोरी गरेको आरोपमा ७ जना पक्राउ परेका छन । बिद्यूत चुहावट बढे पछि नियन्त्रणकालागि चुहावट अभियानमा हिडेका टोलीले यशोधरा गाउँपालिका वडा नम्बर ३ र ८ मा उनीहरुलाई रंगेहात पक्राउ गरी प्रहरीलाई बुझाइएको हो । वडा नम्बर ३ को लोहरौलीबाट ७ जना र वडा नम्बर ८ को एक जनालाई नियन्त्रणमा लिइएको हो । बिद्युत चुहावट बढे पछि नेपाल बिद्यतु प्राधिकरण तौलिहवा बितरण केन्द्रले चुहटावट नियन्त्रणकालागि अभियान संचालन गरेको जनाएको छ । चुहावट नियन्त्रणकालागि बिद्युत कर्मचारी, नेपाल र सशस्त्र प्रहरी सहीत २५ जना बढीको चुहावट नियन्त्रण टोली परिचालन गरिएको छ ।

तौलिहवा बितरण केन्द्रका प्रमुख राजेश कुमार झाले हुकीङ गरी गैर कानुनीरुपमा बिद्यतु चार्ने यशोधरा गाउपालिका वडा नम्बर ३ का रमानन्द बनिया, राजेन्द्र यादव, रमानन्द यादव, सत्यनारायण यादव, बेचन यादव,बुधीराम पासी वडा नम्बर ८ बासखोरका पंकज चौधरी पक्राउ परेको बताए ।उनीहरुले हुकीङ गरी खेतमा सिचाई गरीरहेको र घरमा बिद्यतु बालेको आरोपमा पक्राउ गरिएको प्रमुख झाले बताए । उनीहरुकोसाथ बाट बिद्युत मोटर ताल लगातयका बिद्युतीय सामाग्री समेत बरामद गरिएको छ।