कपिलवस्तुका ५ क्याम्पसमा अनेरास्ववियूले ,४ जित्यो नेविसंघले १

कपिलवस्तु ६ चैत । कपिलवस्तुमा नतिजा प्राप्त भएका ४ वटा क्याम्पस मध्ये ४ वटामा अनेरास्ववियूको एकल प्यानल विजयी भएको छ । त्यसैगरी १ वटामा नेविसंघ

विजयी भएको छ । बुद्धभूमी क्याम्पस बर्कलपुर ,फलारी बाबा बहुमुखी क्याम्पस महाराजगंग र नेपाल आदर्श बहुमुखी क्याम्पस शिवपुरमा अनेरास्ववियूको प्यानल नै बिजयी भएको हो । बुद्धभूमीमा बाबुराम गिरीको प्यानल, महाराजगंजमा अभिशेष यादवको प्यानल र शिवपुरमा राम कुमार तेलीको प्यानल नै विजयी भएको हो । नेविसंघले शिद्धार्थ क्याम्पस बुङचीको सभापतिमा जित हासिल गरेकोछ ।

नेविसंघका निलकमल चौधरी ३० मतको अन्तरमा बिजयी भएका छन् ।सचिव सहितका बहुसंख्यक पदमा अनेरास्ववियू निर्वाचित भएपनि सभापति नेविसंघले जितेको हो । यता कपिलवस्तु बहुमुखीमा राजेश अगरहरीको नेतृत मा अनेरास्ववियूले जितेको छ! ।यो क्याम्पस विगतमा अनेरास्ववियूले जित्दै आएको थियो ।नेपाल आदर्श क्याम्पस शिवपुर र फलारी वावा बहुमुखी कयाम्पस महाराजगंज यस अघि नेविसंघले जित्दै आएका क्याम्पस हुन् ।यसपाली अनेरास्ववियूले नेविसंघको ऐतिहासिक किल्ला नेपाल आदर्श क्यामपसमा जितेको छ भने नेविसंघले अनेरास्ववियूको ऐतिहासिक किल्ला शिद्धार्थ क्याम्पसमा सभापति जितेको छ ।