स्थानीय सरकारद्वारा बेवारिसे महिलाको उद्धार

कपिलवस्तु १६ जेठ ।गणतन्त्र दिवसकै दिन वाणगंगा नगरपालिकाले अपरिचित मानसिक सन्तुलन गुमाएकि अन्दाजी ४५ वर्षकी महिलालाई उद्धार गरेको छ । ति अपरिचित महिलालाई ४ नं चोक वजारबाट उद्धार गरि मानव आश्रम सेवा रुपन्देहीमा पठाइएको हो । शरीरमा कपडा समेत नभएकी बाटोमा भौतारिदै हिड्ने गरेकी महिलालाई नगरपालिकाले नयाँ कपडा लगाइदिएर आश्रम सेवा रुपन्देहिमा पठाएको हो ।

नगरका प्रमुख प्रशासकिय अधिकृत खिमानन्द भुषाल , वडा नं ४ का अध्यक्ष छबि रेश्मिी मगर , सिद्धार्थ सामाजिक विकास केन्द्रका पुर्व अध्यक्ष तेजप्रसाद आचार्य , महिला तथा वालवालिका शाखा प्रमुख शुसिला पन्त , इलाका प्रहरी कार्यालय पिपरा , सञ्चारकर्मी लगायतको रोहवरमा मानसिक सन्तुलन गुमाएकी अपरिचित बेबारिसे महिलालाई उद्धार गर्दै मानव आश्रम सेवा रुपन्देहिमा पठाइएको हो ।