कपिलवस्तुवाट १९१ हज यात्री मक्का मदिना जादै

गुलाम अली
कपिलवस्तु १६ जेठ । कपिलबस्तुबाट साउदी अरबको मक्का मदिना सहरमा जाने हज यात्रीहरुलाई तौलिहवा बसपर्कबाट बिदाई गरिएको छ । यस बर्ष नेपालबाट १ हजार ४ सय ४४ जना हजाको लागि जाँदै छन् ,जिल्लाबाट सबैभन्दा बढी १९१ तीर्थ यात्रीहरु साउदी जादै छन् , दोस्रोमा बाँकेबाट १३८ जाँदै छन भने सबैभन्दा कम पाल्पाबाट १ जनामात्र जाँदै छन् ।ईस्लाम धर्मर्शास्त्र अनुसार झण्डै ढेढ महिना मक्का र मदिनामा प्रार्थना गर्न साउदी अरब जान लगेको हजयात्रीहरुले बताँएका छन् । अल्लाहको घर भनेर घुम्न , प्रार्थना गरे पुन्य कमाईन्छ भन्ने मान्यता छ ।
ईस्लाम धर्मावलम्बीहरुको बाहुल्यता रहेको क्षेत्रबाट हरेक बर्ष साउदी अरबको मक्का मदिना प्रार्थनाका लागि जाने गरेको छन् । ईस्लाम धर्मका पाँच स्तम्भमध्ये हजयात्रा पनि एक महत्वपूर्ण स्तम्ब रहेको हजयात्रीहरु बताउँछन् ।पैसा भएको मानिस हज अनिवार्य रुपमा जानु पर्ने ईस्लामको मान्याता रहेको धर्मगुरुहरु बताँउछन् । हजयात्रीलाई फर्किएपछि हाजी र हज्जिन पनि भनिन्छ । कपिलबस्तु जिल्ला मुस्लिमधर्मावलम्बीहरु सबैभन्दा दोस्रो ठुला जिल्ला भएकोले यस बर्ष कपिलबस्तु जिल्लाबाट सबैभन्दा बढी १९१ हजयात्रीहरु साउदी जाने भएका हुन ।