कपिलवस्तु, २४ जेठ । “म अहिले एस.ई.ई दिएर बसिरहेको छु । पछिल्लो समय टिकटक धेरै चल्यो, त्यसैले टिकटक भिडियो बनाउने क्रममै मलाई ३६० डिग्रि रोटेटिङ टिकटक मेसीन बनाउन मन लाग्यो र बनाए । खाली समयको सदुपयोग पनि भयो ।”
उनी हुन कपिलवस्तुको बाणगंगा नगरपालिका वडा नम्बबर २ बैजलपुर निवासी पारस बेल्वासे । टिकटक भिडियो आकर्षक बनाउन मन लागेपछि उनले अहिले ३६० डिग्रिमा घुम्ने मेसिन बनाएका छन । पढाई सङ्गै आफ्नो सिप र क्षमतालाई अगाडि बढाउनको लागि यस्तो मेसिन बनाएको उनी बताउँछन ।
समान अभावका कारण करिब १५ दिनमा तयार भएको यस मेसिनमा मोबाइल राखेर भिडियो गराउँदा चारैतिर घुम्ने हुँदा भिडियो आकार्षक हुने गर्दछ । यस मेसिन बाट टिकटक मात्र नभएर अन्य कुनैपनि प्रकारका भिडियो सजिलै खिच्न सकिन्छ ।
आफू सामान्य परिवारको व्यक्ति भएको कारण आर्थिक अभावका कारण मेसिनमा आफुले चाहेजस्तो अन्य सुविधा थप्न नसकेको उनी बताउने गर्दछन । कुनै निकाय बाट केही मात्रै सहयोग भए थप राम्रो र अन्य प्रकारका मेसिन पनि बनाउने उनी बताउने गर्दछन । यद्यपि कसैको सहयोग नभए पनि भबिस्यमा आफ्नै मेहनत र आफ्नै कमाइबाटै अझै उपयोगी मेसिन बनाउने सपना भएको उनी बताउने गर्दछन ।
प्रतिक्रिया