६५०० प्यालेस्टाइनिको हवाइ आक्रमणमा मृत्यु

एजेन्सी ८ कार्तिक । गाजापट्टीमा इजरायली हवाई हमलाबाट मृत्यु हुने प्यालेस्टाइनीको संख्या ६,५४६ पुगेको छ । हमास द्वारा सञ्चालित स्वास्थ्य मन्त्रालयले बुधबार जनाए अनुसार आक्रमणमा परी तटीय एन्क्लेभमा १७ हजार ४३९ प्यालेस्टाइनीहरू घाइते भएका छन् ।अक्टोबर ७ मा इजरायली सैन्य क्षेत्र र शहरहरूमा हमासले ठूलो हमला गर्दा इजरायलमा एक हजार चार सय व्यक्तिको मृत्यु भएको थियो । त्यसयता गाजामा हमासविरुद्ध इजरायलले भीषण हवाइ हमला गर्दै आएको छ । (सिन्ह्व)