आजवाट प्रेस चौतारी २६ बर्षमा प्रबेश : कपिलवस्तु सहित देशै भर विविध कार्यक्रम

कपिलवस्तु २२ माघ । प्रगतिशील तथा श्रमजीवी पत्रकारहरूको साझा संगठन प्रेस चौतारी नेपाल स्थापनाको २६ औं वर्षमा प्रवेश गरेको छ ।आजवाट प्रेस चौतारी २६ बर्षमा प्रबेश गरेको हो। योसंगै कपिलवस्तु सहित देशै भर विविध कार्यक्रम हुदै छन् । कपिलवस्तुमा विभिन्न खेलकुद प्रतियोगिता भएका छन् । आज बाणगंगाको खारखानीमा बनभोज सहितको दिवस समारो आयोजना भएको जिल्ला अध्यक्ष जानु पाण्डेले वताउनु भयो । विसं २०५५ मंसिरमा आयोजित भेलाले गठन गरेको तदर्थ समितिले २०५५ माघ २२ गते विजय चालिसेको नेतृत्वमा संस्था दर्ता गराएको थियो । सोही दिनको स्मरणमा आज चौतारीले काठमाडौंसहित देशभर विभिन्न कार्यक्रम गरी २६ औं स्थापना दिवस मनाउँदै छ ।
चौतारीले आज स्थापना दिवसको अवसरमा काठमाडौंमा आयोजना गर्ने विशेष कार्यक्रममा ६ जना पत्रकारलाई पुरस्कृत गर्ने भएको छ ।चौतारीले हृदयचन्द्र सिंह प्रधान स्मृति पत्रकारिता पुरस्कारबाट अन्नपूर्ण पोस्ट्का प्रधान सम्पादक अखण्ड भण्डारीलाई पुरस्कृत गर्ने भएको छ ।
यसैगरी, चौतारीले अग्नि शिखा स्मृति पत्रकारिता पुरस्कारबाट सिन्धुपाञ्चोकका माधव नेपाल, डेकेन्द्र थापा स्मृति पत्रकारिता पुरस्कारबाट रुकुमपूर्वका महेश केसी, वीरेन्द्रकुमार साह क्रियाशील पत्रकारिता पुरस्कारबाट रौतहटका फणिदेव महतलाई पुरस्कृत गर्ने भएको छ ।चन्द्र न्यौपाने–शान्तिराम कार्की स्मृति पत्रकारिता पुरस्कारबाट रामेछापकी यसिमा महत र सावित्रीदेवी–पद्‍मलक्ष्मी बस्नेत स्मृति पत्रकारिता पुरस्कारबाट काभ्रेकी काजल तामाङलाई पुरस्कृत गर्ने चौतारीले जनाएको छ ।वरिष्ठ पत्रकार गोविन्द पोखरेलको संयोजकत्वमा चौतारीका महासचिव हिरामान लामा र सचिव हरिवल्लभ नेपाल सदस्य रहेको समितिले पुरस्कृत पत्रकारको नाम चयन गरेको हो ।चौतारीले हरेक वर्ष आफ्नो स्थापना दिवसको अवसरमा हृदयचन्द्र सिंह प्रधानसहित ६ वटा पुरस्कार प्रदान गर्दै आएको छ ।