लघुवित्तका ऋणीको ७ दिने हिरासत वास

काठमाडौं १५ फागुन, । सोमबार संघीय संसद भवन नयाँ बानेश्वरमा प्रवेश गरेका लघुवित्तका ऋणीहरु ७ दिन हिरासतमा रहने भएका छन् ।लघुवित्तको ऋण मिनाहा हुनुपर्ने लगायतको माग राखेर आन्दोलन गर्न आएका झण्डै ५० जना ऋणीहरु सोमबार संघीय संसद भवन नयाँ बानेश्वरमा प्रवेश गरेका थिए ।उनीहरुलाई प्रहरीले तत्काल पक्राउ गरेर महानगरीय प्रहरी वृत्त सिंहदरबारमा राखेको थियो ।प्रहरीले शान्ति सुरक्षामा खलल पारेको अभियोगमा अनुसन्धान गर्न उनीहरुलाई ७ दिन हिरासतमा राख्न अनुमति मागेको थियो । जिल्ला अदालत काठमाडौंले हिरासतमा राख्न अनुमति दिएको प्रहरीले जानकारी दिएको छ ।