भैरहवावाट १ वर्षमा १६७ को सीमा पारगर्दा गर्दै उद्धार

रुपन्देही १८ फाल्गुन । मानव बेचबिखनविरुद्ध कार्यरत संस्था माइती नेपाल भैरहवा शाखाले एक वर्षमा बेचबिखनको जोखिममा परेको भन्दै १ सय ६७ जना महिला तथा किशोरीलाई विभिन्न सीमानाकाबाट उद्धार गरेको छ ।उक्त शाखाकी प्रमुख माया क्षेत्रीले सन् २०२३ मा बेचबिखनमा परेका भारतको विभिन्न स्थानबाट ४ जना, तेश्रो मुलुक कुवेतबाट १ जनाको उद्धार गरी रुपन्देही जिल्ला अदालतमा मानव बेचबिखनको एउटा मुद्दा दर्ता गरिएको बताइन् ।
उनका अनुसार, बेचबिखनमा परेकामध्ये ९० प्रतिशत वैदेशिक रोजगारीका नाममा जाने परेका छन् । माइती नेपाल भैरहवा शाखाले, सन् २०२३ मा रुपन्देहीको बेलहिय लगायतका सीमानाका हुँदै वैदेशिक रोजगारी र अर्केस्ट्रामा जान लागेका ७ हजार २ सय ५८ जना किशोरी, महिला तथा युवतीलाई मानव बेचबिखन र वैदेशिक रोजगारीका लागि सुरक्षित आप्रवासनका बारेमा परामर्श दिएको थियो ।वैदेशिक रोजगारीका लागि पासपोर्ट बनाउन जिल्ला प्रशासन कार्यालयमा पुगेका १ हजार २ सय ५८ जनालाई जिल्ला प्रशासन कार्यालयस्थित माइती नेपालको इकाईबाट परामर्श दिइएको छ ।