पुराना कम्युनिष्ट नेता तथा लुम्बिनी प्रदेशका पूर्व प्रमुख यादवको निधन

बुटवल ३० फागुन ।पुराना कम्युनिष्ट नेता तथा लुम्बिनी प्रदेशका पूर्व प्रमुख धर्मनाथ यादवको निधन भएको छ ।सिरहाको सुखिपुर नगरपालिका ६ का यादवको ७० वर्षको उमेरमा उनको आज निधन भएको हो । घरमै निधन भएको यादवको आज दाहसंस्कार गरिने पारिवारिक स्रोतले जनाएको छ ।स्थायी शिक्षक रहेका उनले राजीनामा दिएर नेकपा एमालेबाट ०४८ र ५१ को मध्यावधि चुनाव लडे पनि पराजित भएका थिए ।इमानदार नेताको छवि बनाएको उनलाई तत्कालीन राष्ट्रपति विद्यादेवी भण्डारीले २०७६ कात्तिक १८ मा लुम्बिनी प्रदेश प्रमुखमा नियुक्त गरेकी थिइन् ।