आरजु राणा अकस्मात नयाँ दिल्ली किन उडिन ?

कपिलवस्तु ३ चैत ।कांग्रेस सांसद आरजु राणा अकस्मात् भारतको राजधानी नयाँ दिल्ली उडेकी छन्। उनी साँझ ५ बजेको एयर भिस्ताराको उडानबाट नयाँ दिल्ली प्रस्थान गरेकी हुन्।उनी किन दिल्ली गएकी हुन् भनेर केही खुलाइएको छैन। पूर्वप्रधानमन्त्री एवं नेपाली कांग्रेसका सभापति शेरबहादुर देउवाकी पत्नी आरजु केही दिनअघि मात्र भारतबाट फर्केकी थिइन्।

उनी भारतमै छँदा नेपालमा सत्तासमीकरण फेरिएको थियो।प्रधानमन्त्री पुष्पकमल दाहाल ‘प्रचण्ड’ले फागुन २१ गते कांग्रेसलाई हटाएर एमाले तथा रास्वपालाई सरकारमा भित्र्याएका थिए। उनले शुक्रबार नै बाँदर नियन्त्रणसम्बन्धी अध्ययन गर्न आइतबार भारत प्रस्थान गर्न लागेको प्राविधिकहरूको टोलीलाई बिदाइ गरेकी थिइन्।उनी प्रतिनिधि सभाको कृषि समितिकी सभापति पनि हुन्।